وصلني ايميل بيقول......؟!؟!

وصلني ايميل بيقول......؟!؟!

هااااي...كيفكم يااحلى ناس؟!
اليوم وصلني ايميل عن 11 سبب يخليك تكره الفيس بوك! واجت سيرة تيمو فقلت اخبركم عنو
السبب الرابع

4: انا كتير تقيل دم .. بدي ادحش حالي بينكم

لما اعمل جروب للمكان الي عايش فيه , او دارس فيه .. ومثلا عملت مرة جروب
للكلية الي كنت ادرس فيها بالجامعة , مشان اجمع الناس الي بعرفهم وبحبهم ,
وفعلا عملت الجروب وبلشو الناس يدخلو , فجأة بصير في عنا 100 عضو , انا
بدخل اشوف بروفايلاتهم وصورهم , طبعا مانا مشتاقلهم ... بفتح على
all members
ولا واحد بعرفو , الي من السعودية والي من الكويت .. والي بدرس الزرقا
الاهلية أو جامعة الملك فهد بالسعودية وجامعة ام درمان بالسودان , وتخيلو
مرة دخل على الجروب واحد من جامعة الدوبرداشي بموريتانيا .. وداخل عالجروب
ليه مابعرف ..
وفي ناس مو مبين هم من وين .. بقول يمكن هدول كانو يدرسو معي بنفس الكلية
او عالاقل بنفس الجامعة .. خليني اشوف صورهم بركي بعرف حدا منهم ..بفتح كل
الصور .. ولا حدا بعرفو .. وبلاقي صورة وحدة بعرفها .. بقول يا الله هاد
وين شايفه؟ .. اكيد هاد واحد من صحابي القدام لازم اتزكر وين شايفه ومين
هو؟ .... وبعد تدقيق وتحميص لساعات , بكتشف بالاخير انها صورة لتامر حسني
..
يعني بأختصار , طلعو كل الي بجروب الحقوق .. عالم ما الهم علاقة لا
بالحقوق ولا بالجامعة الي كنت فيها؟ .. طب بالله عليكم .. ليه دخلتو؟؟
**وكمان سبب قالو:
السبب السادس

6: وداعا لتغطية الجزيرة للاحداث

الواحد لما يسمع انه في حدث أو خبر معين صاير بالمنطقة ومنطقة الشرق
الاوسط او بالعالم العربي او الغربي ما يفكر يروح يفتح عالجزيرة او
العربية او اي موقع اخباري ، ينط ركاض ويفوت عالفيس بوك لانه رح يلاقي
جروب جديدة انعملت بإسم الحدث زي مثلا:

مليون عربي لدعم جورج وسوف (ابو وديع) ورفص تهمة المخدرات له بالسويد
مليون عربي وعربية لدعم منتظر الزبيدي برمي بوش بالحذاء
مليون عربي وعربية لرجوع ابو عصام لباب الحارة
الخ الخ

الله وكيلكم ما بطلع الخبر من هون مافي الا ثواني معدودة بتلاقي جروب بإسم
الحدث صارت نازلة والواحد اذا بده يكح صار يعملي جروب، اذا نزلتلي اغنية
جديدة بعملي جروب اذا نزلت دعاية جديدة بعملي جروب وغيره وغيراته واكيد
مارح ننسى الجروبات اللي بتكون على الشاكلة التالية:

تحداني واحد اردني انه اجمع مليون فلسطيني عالفيس بوك
تحداني واحد من محبي عمرودياب انه اجمع مليون محب لتامر حسني
تحداني واحد من مدخني مارلبورو الاقي مليون واحد بدخنوا فايس روي
تحداني واحد مصقع انه الاقي مليون واحد مصقع اكثر منه
ومن هالقرف كثييييير

والمشكلة بتلاقي الناس دابة وفايتة ونازلة تعمل انفايت وبتقلب حرب عنصرية
بين مسلم ومسيحي وشيعي وسني واردني وفلسطيني ووحداتي وفيصلاوي ومحبين تامر
ومحبين عمرودياب لول الخ الخ

طبعا ما تنسوا كمية الإنفايات اللي بتيجي من الجروبات والتي لاتعد ولا
تحصى باليوم الواحد طبعا غير عن كمشة المسجات اللي ببعتوها مدراء الجروب
للاعضاء وما بكون الها علاقة اصلا لا بإسم ولا بموضوع الجروب بس انه الاخ
الكريم بده يسوّق حاله او يسوق شي تاني ما اله دخل بالموضوع!!

الايميل كتير كوميدي ولزيز حيحبوا مستخدمين الفيس بوك بس ما بدي اطول عليكم يارب ما يكون دمي تقيل وينحزف
التوبيك...........واحلى مسا لاحلى ناس؛مستني ردودكم.....

ميرسى يا جميل